Jetisaıda 20 avtokólikti tonady degen kúdikpen jergilikti turǵyn ustaldy
TÚRKІSTAN. QazAqparat - Túrkistan oblysy, Jetisaı aýdanynda 20 avtokólikti tonady degen kúdikpen jergilikti turǵyn ustaldy. Tergeý barysynda kúdiktiniń jábirlenýshilerge mıllıon teńgeden asa shyǵyn keltirgeni anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, seziktini ustaýǵa jergilikti turǵynnyń aryzy sebep bolǵan. Ol «Aýdı» markaly kóliginen belgisiz bireýler magnıtofonyn urlap ketkenin kórsetken. Qylmysty ashý maqsatynda krımınaldy polıtsııa men jergilikti polıtsııa qymetkerleri arasynan jedel-tergeý toby qurylǵan. Nátıjesinde buryn sotty bolǵan ári jumyssyz jergilikti turǵyn ustaldy.
Qazirgi tańda atalmysh jaıt negizinde Qylmystyq kodekstiń 188-baby («Urlyq») boıynsha is qozǵalyp, sotqa deıingi tergeý amaldary júrgizilýde. Kúdikti qamaýǵa alynyp, urlanǵan zattar izdestirilip jatyr.
