Jetisaıda 2 myń kásipker karantınge qaramastan isin órge domalatyp otyr
JETІSAI. QazAqparat - Jetisaılyqtar balmuzdaqtyń alýan túrin shyǵarýdy kásip etip, jıhaz, tigin tsehyn ashyp, jylqy sharýashylyǵyn damytýda. Kondıterlik ónimder men pıtstsa jetkizý bıznesin jolǵa qoıǵan. Ómirzaq Shókeev Jetisaı aýdanyndaǵy jumystardy qadaǵalaýǵa baryp, «Eńbek» baǵdarlamasymen memlekettik grant alyp, kásip ashqan azamattardyń óndirip jatqan ónimderiniń kórmesine qatysty, dep habarlaıdy QazAqparat.
Karantın kezinde 2000 jetisaılyq kásiptiń kózin taýyp, isin órge domalatyp otyr.
Keler jyly kezekte turǵan 500-ge jýyq jetisaılyq otbasy qonys toıyn toılaıdy.
«Nurly jer» memlekettik baǵdarlamasy aıasynda respýblıkalyq bıýdjet esebinen bólingen 551,3 mln teńgege Jetisaı qalasynan 80 ga jerge kópqabatty baspana boı kóterdi.
Jalpy aýdany 10,4 myń sharshy metr nemese 200 páterli 6 kópqabatty úıdiń qurylysy aıaqtalýǵa taıady.
B udan basqa, dál osy jerde jalpy aýdany 240 páterdi quraıtyn kópqabatty 6 úıdiń jobalyq smetalyq qujattary ázirlenýde.
Atalǵan úılerdi ınfraqurylym júıelerimen qamtamasyz etý úshin bıýdjetten 293,8 mln teńge bólindi.
Bul qarjyǵa magıstraldy sý jáne elektr júıeleriniń qurylysy bastaldy. Turǵyn úıler jol, káriz jáne gaz júıelerimen qamtamasyz etiledi.
Jetisaı aýdanynda 7 áleýmettik nysannyń qurylys jumystary júrgizilýde. Halyqty aýyz sýmen qamtý sekildi ınfraqurylym júıesin jaqsartý jumystary qarqyndy júrip jatyr.
Órkendi aýylynyń aýyz sý júıesi jańartyldy. 2020 jyly 7 aýyldyń (Jambyl, Maqtaly Jylysý, Myrzashoqy, Baıqonys, Baqqonys, Ál-Farabı) qurylysyna bıýdjetten 794 mln-nan astam aqsha bólinip, Jambyl aýylyndaǵy aýyz sý júıeleri jańartyldy.
Qalǵan 6 aýyldaǵy jumystar tolyǵymen 2021 jyly aıaqtalady.
Jyl qorytyndysymen aýdan turǵyndarynyń 81% tabıǵı gaz jetkiziledi. 2020 jyly 4 eldimekendi gazdandyrýǵa 45 mln teńgege jýyq aqsha bólinip, ekeýiniń qurylys jumystary aıaqtaldy, 2 nysan kelesi jyly tolyq bitedi dep kútilýde.
Búgingi kúnge jalpy quny 6,8 mlrd teńge bolatyn 6 joba (2 AGRS, 1 gaz júıesi, 3 eldi meken) aldaǵy jyly tolyq iske qosylmaq.
2019-2020 jyldary Jetisaı aýdanyndaǵy 16 eldimekenniń tozyǵy jetken elektr jelisin jańartý úshin (Jambyl, Qazybek bı, Ospanov, Qurban ata Taýbaı ata, Alǵabas, Qosqudyq, 1-maı, Maqtaly, Qarasaqal, Qyzyltý, Aqtóbe, Ketebaı, Satbaev, Qaraqaı, Qaraózek) bıýdjetten 320,9 mln teńge qaralyp, qurylys jumystary júrgizildi.
Aldaǵy jyly Qoǵaly, Jemisti, Jeńistiń 40 jyldyǵy, Maqtashy, Talapty, jalpy 6 eldi mekenniń elektr jelisin jańartýǵa bıýdjetten 162,03 mln teńge qarastyrylyp, nátıjesinde 1235 turǵyn sapaly elektr qýatymen qamtylady.
Aımaq basshysy aýdanǵa jasaǵan jumys saparynda jeke kásipker B.Kazıev óz qarajaty esebinen salǵan medıtsınalyq ortalyq jumysymen tanysty.
Zamanaýı emdeý mekemesi tolyqtaı jańa qondyrǵymen qamtylǵan. Barlyq salalyq dárigerler jumysqa tartylǵan.
