Jetisaıda 15 adam koronovırýs juqtyrǵan - ákimdik
TÚRKІSTAN OBLYSY. QazAqparat - Sońǵy málimetter boıynsha Túrkistan oblysynda koronavırýs ınfektsııasyn juqtyrǵan azamattar sany – 44-ke jetti, dep habarlaıdy QazAqparat.
Ákimdiktiń habarlaýynsha, Jetisaı aýdany, Yntymaq aýyldyq okrýginiń 1977 jyly týǵan turǵynnan koronavırýs tabyldy. Ol 4 sáýir kúni qaıtys bolǵan 1956 j. Jetisaı aýdanynyń azamatymen jaqyn baılanysta bolǵan.
Qazirgi tańda oblys boıynsha Jetisaı aýdanynda – 15 adam tirkelgen, onyń ishinde 1956 j azamat 4 sáýir kúni qaıtys bolǵan. Sondaı-aq, Kentaýda - 5, Ordabasy - 2, Saıram - 2, Maqtaral - 4, Arys - 14, Saryaǵash - 1, Báıdibek -1 turǵyny indetke shaldyqqan.
Barlyq naýqastardyń jaǵdaıy qanaǵattanarlyq, shaǵymy joq. Vırýs juqtyrǵandar qazirgi ýaqytta oqshaýlanyp, tıisti em qabyldaýda.
Atalǵan azamattarmen baılanysta bolǵandardy anyqtap, oqshaýlaý jumystary júrgizilýde.
