Jetisaıda 100 jastaǵy ájeıge qurmet kórsetildi
JETІSAI. QazAqparat - Túrkistan oblysy, Jetisaı aýdanynyń polıtseıleri 100 jastaǵy ájeıge qurmet kórsetti. Búgingi demalys kúni tártip saqshylary bir ǵasyr jasaǵan qarııanyń úıine baryp, tartý taralǵy jasady, dep habarlaıdy QazAqparat tilshisi.
Aýdandyq polıtsııa bólimi kadr saıasaty tobynyń aǵa ınspektory Ǵabıt Aıtymbetov pen jáne Kóshi-qon qyzmeti bólimshesiniń aǵa ınspektory Qanat Jurqabaev aýdanynyń eń qart turǵyny, aqjaýlyqty ájeıdiń shańyraǵyna arnaıy bardy. Kúláı Shonbasqyzyn Qarttar kúni« merekesimen quttyqtap, gúl shoqtary men syılyqtaryn tabystady.
Aıta keteıik, qart ájemiz 5 ul 3 qyz tárbıelep ósirgen kópbalaly ana. Búgingi tańda olardan 53 nemere, 32 shóbere, 3 shópshek súıip otyr. 100 jasqa qadam basqan qarııa ózin qurmettep kelgen tártip saqshylaryna alǵysyn bildirip, aq batasyn berdi.
«Balalarym senderge meniń jasymdy bersin, úbirli-shúbirli bolyńdar. Jumystaryńda tek bıikten kórinińder. Alǵandaryń alǵys bolsyn. Elimiz aman, jurtymyz tynysh bolsyn!», - dedi ájeı.
Aıta keteıik, Túrkistan oblysynyń polıtseıleri únemi qarttardyń hal-jaǵdaılaryn bilip, qurmetteýdi ádetke aınaldyrǵan. Bul baǵyttaǵy jumystar tek mereke kúnderi emes jyl boıyna jalǵasyn taýyp keledi.
