Jetisaıda 100-ge jýyq altyn jáne kúmis alqa ıegeri daýys berdi

JETІSAI. QazAqparat - Túrkistan oblysynyń Jetisaı aýdanynda 100-ge jýyq altyn jáne kúmis alqa ıegeri saılaýǵa qatysty, dep habarlaıdy QazAqparat tilshisi.

Jetisaı aýdanynyń batyr analary da saılaýda erekshe belsendilik tanytty. Tańerteńnen saılaý ýchaskesine kelgen batyr analar óz tańdaýyn jasap, daýys berdi.

Sonyń biri - 10 balanyń anasy, «Altyn alqa» ıegeri Botagóz Beganova.

Jergilikti mektepte qyzmet atqaratyn ol ustazdar qaýymyn saılaýǵa belsendi qatysýǵa shaqyrdy.

«Kezekten tys prezıdent saılaýynda ustazdar qaýymy erekshe belsendilik tanytýy tıis. Sebebi, bul saılaý – eldiń bolashaǵy úshin óte mańyzdy qadam. Onyń ústine elimizde ustazdarǵa degen kózqaras jyldan jylǵa jaqsaryp keledi. Men egemen eldiń erkin oıly azamatshasy retinde saılaýdan tys qalǵan emespin. Bul joly da balalarymnyń bolashaǵy úshin daýys berdim», - dedi ol.