Jetisaıda 10 jasar bala sýǵa aǵyp ketti
JETІSAI. QazAqparat - Shymkent qalasy TJ departamentiniń jedel-qutqarý jasaǵy Jetisaı aýdanynda sýda izdestirý jumystaryn júrgizdi, dep habarlaıdy QazAqparat tilshisi.
Bul jumystar keshe, 18 shildede saǵat 07:10-da bastaldy. Qutqarýshy-súńgýirler Jetisaı qalasyndaǵy eni 40, tereńdigi 5 metrlik sýarmaly «Dostyq» kanalynda 2010 jyly týǵan balany izdegen.
Aldyn ala belgili bolǵandaı, 17 shilde kúni saǵat 14-30-da jasóspirim dostarymen birge sýǵa túsýge arnalmaǵan jerde eresekterdiń qaraýynsyz shomylyp, batyp ketken. Júrgizilgen izdestirý jumystardyń nátıjesinde 2020 jylǵy 18 shildede saǵat 12.05-te qutqarýshylar balanyń denesin tapty. Іzdestirý-qutqarý jumystaryna jedel-qutqarý jasaǵynyń 6 qutqarýshysy, 1 júzý quraly, Jetisaı aýdandyq polıtsııa bóliminiń 2 qyzmetkeri jáne týystarynan 8 adam jumyldyryldy.
