Jetisaı jáne Maqtaaral aýdandyq polıtsııa bólimderi janynan «Halyqtyq keńse» ashyldy
TÚRKІSTAN. QazAqparat - Túrkistan oblysy Polıtsııa departamentine qarasty Jetisaı jáne Maqtaaral aýdandyq polıtsııa bólimderi janynan "Halyqtyq keńse" ashyldy, dep habarlaıdy QazAqparat.
QR Іshki ister organdaryn jańǵyrtý jónindegi "2019-2021 jyldarǵa arnalǵan jol kartasyn" iske asyrýǵa baılanysty arnaıy azamattardy qabyldaýǵa baǵyttalǵan. Ashylǵan halyqtyq keńsege Túrkistan oblysy Polıtsııa departamentiniń bastyǵy, polıtsııa general-maıory Qaırat Dálbekov, Jetisaı men Maqtaaral aýdandarynyń ákimderi, aýdan ardagerleri, jergilikti turǵyndar, BAQ ókilderi men APB-niń jeke quramdary qatysty. Halyqtyq keńseniń basty maqsaty halyqpen keri baılanys ornatyp, turǵyndardyń muń-muqtajyn tyńdap, aryz shaǵymdaryn qanaǵattandyrý bolyp otyr.
