Jetisaı turǵyndaryna mindetti áleýmettik medsaqtandyrý júıesi túsindirildi
Sala mamandarynyń sózinshe, keler jyldan bastap elimizde engiziletin mindetti medıtsınalyq saqtandyrý júıesi aıasynda saqtandyrylǵan azamattar josparly statsıonarlyq kómek ala alady. Josparlanǵan aýrýhanaǵa jatqyzý boıynsha jańa júıeniń barlyq qatysýshylary joǵary mamandandyrylǵan medıtsınalyq kómekke de qol jetkizbek.
«Bul kómekterdiń qatarynda qymbat medıtsınalyq operatsııalar da bar. Sondaı-aq, kelesi jyldan bastap ońaltý is-sharasy tegin kórsetiledi. ıAǵnı, ınsýlt alǵan adamdar úshin eńbekke qabilettilikterin qaıta qalpyna keltirýge qajetti jan jaqty medıtsınalyq kómektermen qamtylady»,- deıdi KEAQ Túrkistan oblysy boıynsha fılıalynyń bólim basshysy Laýra Saparbekova.
Jıynda sóz sóılegen mamandar aldaǵy ýaqytta sozylmaly dertpen aýryratyn naýqastar úshin de medıtsınalyq kómektiń qoljetimdiligi men sapasy jaqsaratynyn jetkizdi.
«Sońǵy ýaqytta elimizde negizgi sozylmaly juqpaly emes aýrýlardyń sany 2,5 esege ósken. Mundaı naýqastar úshin de medıtsınalyq kómek jan-jaqty kórsetiledi. MÁMS júıesi aıasynda saqtandyrylǵan naýqastarǵa juqpaly emes jáne áleýmettik mańyzy bar 25 aýrý túri boıynsha dárigerlerdiń baqylaýynda bolady. Olar dıagnostıkadan ótip, konsýltatsııa jáne qymbat zerthanalyq qyzmetterge qol jetkizedi»,- deıdi Túrkistan qalalyq aýrýhanasynyń bas dárigeri Janar Ospanova.
Aıta keteıik, tegin medıtsınalyq kómektiń kepildendirilgen kólemi Qazaqstan azamattaryna, qandastarǵa jáne elimizde turaqty turatyn sheteldikterge qoljetimdi bolady dep josparlanyp otyr. Al, ýaqytsha turatyn sheteldikter úshin bul qyzmet shuǵyl jáne aınalasyndaǵylarǵa qaýip tóndiretin aýrýǵa shalydyqqan jaǵdaıda ǵana kórsetiledi. Sonymen qatar, negizgi áleýmettik mańyzy bar jáne sozylmaly juqpaly emes aýrýlar kezinde medıtsınalyq kómek tolyq kórsetiletin bolady jáne dári-dármek tegin beriledi.
