«Jetisaı» kún elektr stantsııasy iske qosyldy

TÚRKІSTAN OBLYSY. QazAqparat - Jetisaı aýdanynda taza energııa úlesin ulǵaıtý úshin qýaty 4,8 MVt bolatyn «Jetisaı KES» kún elektr stantsııasy paıdalanýǵa berildi. Bul týraly QazAqparat QR Energetıka mınıstrliginiń baspasóz qyzmetine silteme jasap habarlaıdy.

«Elektr stantsııasyn salý kezinde belgilengen buryshy bar tańerteń-keshke bir osti treker júıesin qoldana otyryp, jeke qýaty 375 Vt bıfýnktsıonaldy eki jaqty panelder paıdalanyldy. Treker júıesin paıdalaný elektr stantsııasynyń óndirisin 30 paıyzǵa deıin arttyrýǵa múmkindik beredi. Qurylys aýdany 10,7 ga burynǵy qoqys polıgonynyń aýmaǵynda júzege asyryldy. Qurylystyń belsendi kezeńiniń bastalýy – 2019 jyldyń tamyz aıy», - dep habarlaıdy mınıstrlikten.

Qurylys-montajdaý jumystaryna 42 adam jumyldyrylǵan. Qazirgi ýaqytta stantsııaǵa 14 adamnan turatyn personal qyzmet kórsetedi.

Joba «jasyl» ekonomıka saıasatyna sáıkes keledi. Qazaqstannyń ındýstrııalyq-ınnovatsııalyq damýyna yqpal etedi. Atmosferaǵa SO2 shyǵaryndylaryn azaıtý jylyna 6048 t quraıtyn bolady. Jobany iske asyrý barysynda qosymsha jumys oryndary quryldy. Sonymen qatar, elektr energııasy kóziniń taýsylmaıtynyn jáne qol jetimdiligin atap ótken jón. Bul jobanyń ótelý merzimi 7 jyldy quraıdy.

«Jelige josparly jyl saıynǵy elektr energııasyn berý – 7 219 000 kVt. Elektr energııasy 81 kún modýlinen 158 jyljymaly «ústelge» bólingen 12 798 kún panelimen generatsııalanady. Turaqty tokty aınymaly tokqa túrlendirý úshin elektr stantsııasynda bloktyq-modýldik qondyrǵyǵa biriktirilgen, árqaısysynyń jeke qýaty 1 250 KVt 4 ınvertor qarastyrylǵan», - delingen habarlamada.