Jetisaı kóshelerin jańbyr sýy basty

TÚRKІSTAN. QazAqparat - Jetisaı kóshelerin jańbyr sýy basty, dep habarlaıdy QazAqparat tilshisi.

Túrkistan oblysy, Jetisaı aýdanynda eki-úsh kúnnen beri tolassyz jaýǵan jaýyn saldarynan kóptegen kósheni sý basyp jatyr. Jaýyn mólsheriniń shamadan tys bolýyna baılanysty úılerdiń aýlalaryn sý alyp ketken.

«Jetisaı aýdanynyń ákimi Murat Bolatuly tótenshe jaǵdaılardyń aldyn alý boıynsha komıssııa quryp, jedel jumystar júrgizilýde. Qazirgi tańda aýdandyq tótenshe jaǵdaılar bólimimen birlesip, sýdy sorý jumystary júrgizilip jatyr. Kóshelerdi sý basýyna baılanysty jedel jeli iske qosyldy», - deıdi Jetisaı aýdany ákimdiginiń baspasóz qyzmeti taratqan habarlamady.

Al tótenshe jaǵdaı qyzmetiniń mamandary motopompalar arqyly táýlik boıy kóshege taralǵan sýdy sorý jumystaryn atqaryp jatyr.