Jetisaı bazaryndaǵy órtke baılanysty komıssııa quryldy

JETІSAI. QazAqparat - Jetisaıdaǵy «Kúlparshyn» bazaryndaǵy órtke qatysty komıssııa quryldy, dep habarlaıdy QazAqparat tilshisi.

«Bazardan shyqqan órt tańǵy saǵat 05:20-da aýyzdyqtalyp, 07:35-te sóndirildi. Zardap shekkender joq. Órttiń shyǵý sebebi anyqtalýda. Jeldiń saldarynan órtti sóndirý qıyn boldy. Jalyndy sóndirýge 47 órt sóndirýshi men 16 tehnıka jumyldyryldy», - dedi TJD baspasóz qyzmeti.

Túrkistan oblysynyń ákimi Ómirzaq Shókeevtiń tapsyrmasy boıynsha oqıǵa sebepterin anyqtaý jáne órtten zardap shekkenderge kómek kórsetý jónindegi komıssııa quryldy.

Oǵan oblys ákiminiń orynbasary Sáken Qalqamanov jetekshilik etedi. Komıssııa aldynda eń aldymen zardap shekkenderdiń sanyn esepteý, materıaldyq zalaldy baǵalaý, mindeti tur. Qazirgi ýaqytta bazardyń basshylyǵy men quryltaıshylary jáne aýdan bıligi satýshylarmen kezdesti.

Buǵan deıin habarlanǵandaı, bazardaǵy saýda qatarlarynyń tyǵyz ornalasqan jeri , matalar men kıim keshekter, turmysqa qajetti zattar satatyn aýmaǵy otqa oranǵan.