Jetisaı aýdanynyń ónim kólemi 37 mlrd teńgege jýyqtady
JETІSAI. QazAqparat - Túrkistan oblysy Jetisaı aýdanynyń bıýjettik kirisi osy jyldyń 9 aıynda 1 mlrd 441 mln teńgege jetip, jospar 107,9 paıyzǵa oryndaldy, dep habarlaıdy QazAqparat óńirlik kommýnıkatsııalar qyzmetine silteme jasap.
Bıýdjettiń shyǵys bóligi 30 mlrd 9 mln teńgeni qurap, jospar 99,9 paıyzǵa oryndalǵan. Bul týraly búgin Óńirlik kommýnıkatsııalar qyzmetinde ótken brıfıngte Jetisaı aýdanynyń ákimi Jamantaı Beısenbaev málim etti.
Onyń aıtýynsha, búginge deıin aýdannyń jalpy óńirlik ónim kólemi 36 mlrd 910 mln 800 myń teńgeni quraǵan. Bul jan basyna shaqqandaǵy JÓÓ kólemi 211,9 myń teńgege jetkenin kórsetedi.
«Aýdannyń ónerkásip salasyndaǵy tabys kólemi 6 mlrd 117 mln 700 myń teńgege, al óńdeý ónerkásibiniń jetistigi 2 mlrd 961 mln 862 myń teńgege jetti. Sondaı-aq, ınvestıtsııa kólemi 4 mlrd 458 mln 800 myń teńgeni qurap otyr. Al bólshek saýda kólemi 8 mlrd 945 mln 100 myń teńge, jospar 88,9 paıyzǵa oryndaldy», – dedi aýdan ákimi.
Aýdandaǵy shaǵyn jáne orta kásipkerlik sýbektileriniń sany 15 029-ǵa jetip, olarda 21,3 myń adam jumyspen qamtylǵan. Atalǵan salada óndirilgen ónim kólemi 21 mlrd 800 mln teńgeni quraǵan. Esepti kezeńde 247 shaǵyn jáne orta bıznes ókilderine qarjy uıymdary arqyly jalpy somasy 589 mln 500 myń teńge kóleminde nesıe berilgen.
Sondaı-aq, aýdanda bıyl aýyl sharýashylyǵy jalpy óniminiń kólemi 17 mlrd 448,3 mln teńgege jetken. Onyń 10 mlrd 666,8 mln teńgesi mal sharýashylyǵy, 6 mlrd 775,5 mln teńge egin sharýashylyǵyna tıesili. Ótken jyldyń tıisti kezeńimen salystyrǵanda aýyl sharýashylyǵy jalpy óniminiń kólemi 984,1 mln teńgege artyq óndirilgen.
