Jetisaı aýdanynyń balyqtary alys jaqyn shetelge eksporttalýda

JETІSAI. QazAqparat - Túrkistan oblysy Jetisaı aýdanynda jyl ótken saıyn balyq sharýashylyǵy damyp keledi. Búginde atalǵan aýdannyń balyqtary Ázerbaıjan, Grýzııa, Izraıl, Reseı, Qytaı jáne Ózbekstan elderine eksporttalyp jatyr, dep habarlaıdy QazAqparat tilshisi.

Máselen, Maqtaly aýyldyq okrýgine qarasty Sholpanqudyq aýylynda ornalasqan «Súndet» sharýa qojalyǵy dóńmańdaı (tolstolob), amýr, sazan syndy 1 mln 300 dana balyq shabaqtaryn ósirýde. Mundaǵy shabaqtarǵa qajetti jemdi Polsha elinen aldyrady.

Shekara asyp keletin jemniń quramynda balyqty túrli aýrý-syrqaýdan saqtaıtyn jáne ósip-jetilýine qajetti barlyq mıneraldar bar,- deıdi mamandar. Osylaısha eldimekenniń kásipkerleri tabystaryn arttyryp keledi.

Búginde jasandy balyq ósirý boıynsha elimizde kósh bastap turǵan Túrkistan oblysynda taýarly balyq ósirýge jaramdy 134 ózen-kól bar.

Onyń ishinde 88-i jergilikti mańyzy bar sý aıdyny balyq sharýashylyǵy maqsatynda tabıǵat paıdalanýshylarǵa berilgen.

Aıta keteıik, memleket tarapynan akvaósirýge paıdalanylatyn azyqty satyp alýǵa jumsalatyn shyǵyndardyń 30%-yn sýbsıdııalaý baǵdarlamasy qolǵa alynǵan. Bul baǵdarlama óz kezeginde balyq sharýashylyǵyn damytýǵa oń yqpalyn tıgizip keledi.