Jetisaı aýdanynyń ákimi Shablan Dildábekov aýylynyń turǵyndarymen kezdesti
TÚRKІSTAN. QazAqparat – Túrkistan oblysy, Jetisaı aýdanynyń ákimi Jamantaı Beısenbaev Shablan Dildábekov aýyldyq okrýginiń turǵyndarymen kezdesti. Aýdan basshysy atalmysh okrýgte ornalasqan qaqpanyń jumystarymen tanysty, dep habarlaıdy QazAqparat tilshisi.
Ákim qurylys jumystarynyń ýaqytyly ári sapaly aıaqtaý qajet ekendigin atap ótti. Merdiger kompanııa ókiline el úshin jasalatyn jumystardy kemshiliksiz jasaý kerektigin eskertti. Jamantaı Beısenbaev sapary barysynda sondaı-aq, «Samuryq» aıaq-kıim shyǵarý tsehynda da boldy. Kásiporynnyń jumystarymen tanysqan aýdan ákimi, sonda jumys atqaratyn árbir qyzmetkermen sóılesti.
Tseh basshysyna halyqqa tıimdi baǵamen satý kerektigin jáne sapaly otandyq taýar óndirýshilerdi árqashanda qoldaıtynyn aıtty. Budan keıin aýdan ákimi «Birlik» mádenıet úıiniń tarıhı mýzeıinde bolyp, ondaǵy tarıhı kóne jádigerlermen tanysty. Jumys barysynyń sońyna qaraı atalmysh okrýgte ornalasqan Sultanbek Qojanov atyndaǵy №42-shi jalpy orta mektebiniń oqý bazasyna baryp kórdi. Mekteptiń jylý maýsymyna daıyndyqtaryn tekserip, Sultanbek Qojanovtyń 125 jyldyq mereıtoıyna oraı eskertkishke gúl shoqtaryn qoıdy.
