Jetisaı aýdanynda asfalt zaýyty iske qosyldy
JETІSAI. QazAqparat – Túrkistan oblysynyń Jetisaı aýdanynda asfalt zaýyty iske qosyldy, dep habarlaıdy QazAqparat.
Oblys ákimi baspasóz qyzmetiniń málimetinshe, qazirgi tańda Jetisaı aýdanynda jol jóndeý jumystary qarqyn alǵan. Aýdan ortalyǵyndaǵy M.Áýezov kóshesiniń 2 shaqyrym ýchaskesinde orta jóndeý jumystary aıaqtalýǵa jaqyn.
Budan bólek, qala, kent, aýyl okrýgteri men «Shardara-Jetisaı» avtomobıl jolynyń birqatar bólikterinde jol jóndeý jumystary jalǵasýda. Atalǵan jumystarǵa qajetti asfalt Jetisaı aýdanynyń ózinde ázirlenýde.
Aıtalyq, jýyrda Jetisaı aýdany, Qazybek bı aýyl okrýginde «Hansheber» JShS saǵatyna 100 tonnaǵa jýyq asfalt óndiretin zaýytty iske qosty. Qazir munda 30-ǵa jýyq adam jumyspen qamtylǵan. Zaýytqa qajetti negizgi shıkizat Shymkent qalasynan tasymaldanady.
Kásiporynnyń bas mehanıgi Ermahan Áshirbaevtyń aıtýynsha, Jetisaı aýdanyndaǵy jol jóndeý jumystaryna qajetti asfaltty Shymkentten tasymaldaý tıimsiz. Onyń ústine qashyqtyq 250 shaqyrymd. Sondyqtan atalǵan seriktestik qurylys nysandaryna jaqyn jerden asfalt zaýytyn salyp, qosymsha tapsyrystardy da toqtatpaı qabyldap jatyr.
