Jetisaı aýdany turǵynynyń aýlasynan 3 myń túp kóknar tárkilendi
TÚRKІSTAN. QazAqparat – Jetisaı aýdany turǵynynyń aýlasynan 3 myń túp kóknar tárkilendi, dep habarlaıdy QazAqparat Túrkistan oblysy polıtsııa departamenti baspasóz qyzmetine silteme jasap.
Jetisaı aýdandyq polıtsııa bólimine jergilikti turǵyndardyń biri quramynda esirtkisi bar ósimdikterdi ósiretindigi týraly habarlama túsken. Aqparat alǵan jetisaılyq tártip saqshylary jedel-izdestirý is-sharasyn júrgizdi. Kúdikti retinde jergilikti turǵyn anyqtalyp, onyń turǵylyqty jerine tintý jumystary júrgizildi. Nátıjesinde kúdikti er adamnyń úıiniń aýlasynan 3 myń túp esirtkige uqsas ósimdik tabylyp, tárkilendi.
Taǵaıyndalǵan saraptamanyń qorytyndysy boıynsha alynǵan ósimdik kóknár bolyp shyqty. Atalǵan faktini polıtseıler QR QK-niń 300-baby 2-bóligimen «Quramynda esirtki zattar bar, ósirýge tyıym salynǵan ósimdikterdi zańsyz egip-ósirý» boıynsha tirkeýge aldy.
Qazirgi tańda sotqa deıingi tergeý amaldary júrgizilip jatyr.
