Jetinshi «Ǵaryshtaǵy soǵystar» fılminiń qazaq tilindegi tızeri jaryqqa shyqty
ASTANA. QazAqparat - "Ǵaryshtaǵy soǵystar: VII epızod" ("Zvezdnye voıny: VII epızod" - "Star Wars: Episode VII") fantastıkalyq fılminiń kezekti bóliminiń qazaq tilindegi nusqasy 2015 jyly jeltoqsanda kórermenge jol tartýy tıis.
"Bolashaq" qaýymdastyǵynyń jáne «Marwin» kompanııasynyń qoldaýymen aýdarylatyn fılmniń tızeri jarııalandy. Osymen qazaq tiline dýblıajdalǵan 12-shi joba bizdiń prokatta "Juldyzdar shaıqasy: kúshtiń serpilisi" dep atalmaq. Fılmniń rejısseri - Djeı Djeı Abrams.
Jetkinshi epızodqa Oskar Aızek, Adam Draıver, Djon Boıega, Endı Serkıs, Donal Glıson, Maks fon Sıýdov, Deızı Rıdlı, Lýpıta Nıongo, Gvendolın Krıstı syndy akterler tústi. Sonymen qatar burynǵy epızodtarǵa qatysqan Harrıson Ford (Han Solo), Mark Hemıll (Lıýk Skaıýoker), Kerrı Fısher (hanshaıym Leıa), Pıter Meıhıý (Chýbakka) óz rólderine oralady.
Kınokartına sıýjeti "Ǵaryshtaǵy soǵystar: VI epızod - Djedaıdyń oralýy" ("Star Wars: Episode VI - Return of the Jedi") fılmindegi oqıǵadan 30 jyl ótkennen keıin órbıdi, dep habarlaıdy kinostan.kz.
