«Jetinshi arnanyń» bas dırektory aýysty
ALMATY. QazAqparat - Telearnanyń jańa dırektory bolyp «Jetinshi arna» bas dırektorynyń qarjy jónindegi orynbasary bolǵan Álııa Babaeva taǵaıyndaldy.
Telearna habarlaǵandaı, bul sheshim burynǵy basshy Qýat Bahrıdınovtyń NUR.KZ basshysy qyzmetine aýysýyna baılanysty qabyldandy. K. G. Bahrıdınovke kompanııanyń baqylaýshy keńesiniń múshesi retinde jumysyn jalǵastyrý usynyldy.
Álııa Sábıtbekqyzy 1976 jyly týǵan. 1997 jyly Qazaq memlekettik akademııasyn ekonomıst halyqaralyq mamandyǵy boıynsha aıaqtaǵan. 2016 jylǵy 1 sáýirde qysqa merzimde kompanııanyń qarjy tıimdiligi kórsetkishiniń ósimin qamtamasyz etkennen keıin arnanyń basshysy bolyp taǵaıyndaldy.
«Kadrlyq ózgeris kompanııanyń qazirgi baǵytyn ózgertpeıdi. «Jetinshi arna» belgilengen josparǵa sáıkes kóńil kóteretin janr formatynda jumysyn jalǵastyratyn bolady», - dep habarlandy baspasóz paraǵynda.
