Jetim ósken erli-zaıyptylar anasyn izdep tapqan kezde bir úıdiń balasy bolyp shyqty
ASTANA. QazAqparat - Brazılııada ómirde bolatyn jaǵdaıdan kóri serıaldardyń sıýjetine kóbirek uqsaıtyn oqıǵa boldy, dep jazady rosbalt.ru.
Adrıana esimdi áıel men onyń jary Leandro (famılııalaryn aıtýdan bas tartqan) - ekeýi de anasyz jetim ósken erli-zaıyptylar. Olar uzaq jyldar boıy analaryn izdep, aqyry armandary oryndalǵan sátte, tóbelerinen jaı túskendeı kúıge tústi.
Buǵan deıin ekeýi de ózderiniń jetim óskenderin jáne ekeýiniń de izdep tappaı júrgen anasynyń esimderi Marııa bolyp shyqqanyn jaı ǵana sáıkestik sanap júripti. Biraq olar ózderiniń bir úıdiń balalary - ápkeli-inili ekendigi jaıly úsh uıyqtasa da tústerine kirmegen.
Qalaı da óz anamdy izdep tabamyn dep ózine sert bergen Adrıana aqyr sońyndy jergilikti radıonyń kómegine júginipti. San-Paýlýǵa taraıtyn radıobaǵdarlamanyń arqasynda áıeldiń anasy tabylyp, efırde qaýyshypty. Efırdi paıdalanyp anasy onyń qyzynan bólek taǵy bir ulyn izdeıtinin aıtsa kerek. Adrıana sol sátte onyń óziniń kúıeýi jaıly aıtyp otyrǵanyn, sıpattary men belgileriniń dál keletinin túsingen. Bul jańalyq ony seń soqqan balyqtaı eseńgiretip tastaǵan.
***
Jýrnalısterge bergen sońǵy suhbatynda áıel kúıeýi men ekeýin tek ólim ǵana ajyratatynyn aıtypty.
