Jetim qyzdyń múlkin spırttik ishimdikter satyp alý úshin saýdalaǵandardyń isi áshkerelendi
ASTANA. Qyrkúıektiń 23-i. QazAqparat /Ernur Aqanbaı/ - Elimizde kámelet jasqa tolmaǵan jetim qyzdyń múlkin spırttik ishimdikter satyp alý úshin saýdalaǵan páter jaldaýshylardyń isi áshkerelendi. Bul týraly búgin Astanadaǵy aptalyq brıfıngte Bas prokýratýranyń resmı ókili Jandos Ómirálıev aıtty.
«Elimizdegi qorǵanshy jáne qamqorshy organdardyń jekelegen laýazym ıeleri kámeletke tolmaǵandardyń múlikterin saqtap qalý boıynsha óz mindetterin tıisinshe oryndamaı otyr. Osyndaı nemquraılylyq jetim balalardyń múlikterinen zańsyz aıyrylýyna ákelip soǵady. Mysal retinde, Nepke degen kámeletke tolmaǵan jetim qyzdyń múlkin aıtýǵa bolady. Onyń múlikterin páter jaldaýshylary spırttik ishimdikter satyp alý úshin satyp jibergen», dedi resmı ókil.
Onyń aıtýynsha, prokýratýra kámeletke tolmaǵan qyzdyń múddesin qorǵaý úshin talap aryz bergen, sot ony tolyqtaı qanaǵattandyrǵan.
