Jetim balalardy baspanasyz qaldyrǵan ákimdik qyzmetkerleri jaýapqa tartylatyn bolady
Bul týraly búgin QR Bas prokýratýrasynda ótken alqa májilisinde Bilim jáne ǵylym vıtse-mınıstri Saıat Shaıahmetov aıtty.
Osy oraıda ol «Qazaqstan Respýblıkasynyń keıbir zańnamalyq aktilerine jetim balalar men ata-anasynyń qamqorlyǵynsyz qalǵan balalardyń turǵyn úıge quqyqtaryn qamtamasyz etý máseleleri boıynsha ózgerister men tolyqtyrýlar engizý týraly» zań jobasy Parlamentke engizilgenin eske salyp ótti.
Bul qujat qabyldanǵan jaǵdaıda jetim balalar memlekettik turǵyn úı qorynan baspana alýǵa birinshi kezektegi quqyqqa ıe bolady. Atalǵan sanattaǵy balalardyń quqyn baspana boıynsha ýaqytyly qamtamasyz etpegeni úshin jergilikti atqarýshy organdardyń laýazymdy tulǵalaryna ákimshilik jaýapkershilik qarastyrylǵan. Qazirgi kezde bundaı jaza eskerilmegen»,-deıdi ol.
