Jetim balalardy baspana kezegine qoımaǵandar ákimshilik jaýapkershilikke tartylatyn bolady - zań jobasy
ASTANA. 24 jeltoqsan. QazAqparat - Jetim, ata-anasynyń qamqorlyǵynsyz qalǵan balalardy turǵyn úı alý úshin kezekke qoıý mindetin oryndamaǵandar ákimshilik jaýapkershilikke tartylady.
Bul týraly búgin Májilistiń Áleýmettik-mádenı damý komıtetinde depýtattar «Qazaqstan Respýblıkasynyń keıbir zańnamalyq aktilerine jetim balalar men ata-anasynyń qamqorlyǵynsyz qalǵan balalardyń turǵyn úıge quqyqtaryn qamtamasyz etý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim boldy.
Atap aıtqanda, Bilim jáne ǵylym vıtse-mınıstri Saıat Shaıahmetovtyń aıtýynsha, qujat qoldanystaǵy «Salyq kodeksine», «Ákimshilik quqyq buzýshylyq týraly» kodeksine, «Turǵyn úı qatynastary týraly», «Qazaqstan Respýblıkasyndaǵy balanyń quqyqtary týraly» zańnamalarǵa ózgerister men tolyqtyrýlar engizýdi kózdeıdi.
«Osy ózgeristerge oraı, jetim balalar men ata-anasynyń qamqorlyǵynsyz qalǵan balalarǵa arnalǵan uıymdardyń laýazymdy tulǵalary nemese jetim balalar men ata-anasynyń qamqorlyǵynsyz qalǵan balalardyń zańdy ókilderi olardy, ıaǵnı jetim balalardy turǵyn úı alý úshin esepke qoıý jónindegi mindetterin oryndamaǵany úshin ákimshilik jaýapkershilikke tartylady. Sonymen qatar, jetim balalar men ata-anasynyń qamqorlyǵynsyz qalǵan balalar, sondaı-aq, olarǵa qatysty áreketter jasaıtyn tulǵalar jyljymaıtyn múlik quqyqtaryn memleketik tirkeý kezinde tólenetin alymdardan, muragerlikke quqyq týraly kýálikterin alǵany úshin memlekettik baj tóleýden bosatylady. Іs júzinde jetim balalar men ata-anasynyń qamqorlyǵynsyz qalǵan balalardyń alaıaqtar is-áreketteriniń qurbandary bolyp, óz úılerinen aıyrylyp jatqan jaǵdaılar az emes. Buǵan jyljymaıtyn múlikke quqyqtardy ýaqytyly rásimdemeý de sebep bolyp jatady. Atalǵan rásimdi júrgizý úshin qandaı da bir aqsha qarajaty talap etiledi de basym jaǵdaıda osy sanattaǵy balalardyń qarajaty bolmaı qalady. Sondyqtan da, osyndaı jaıtty eskere otyryp, jetim balalar men ata-anasynyń qamqorlyǵynsyz qalǵan balalardy notarıattyq is-áreketter jasaǵan kezde memlekettik baj tóleýden, sondaı-aq jyljymaıtyn múlikke quqyqtardy tirkegeni úshin alymdar tóleýden bosatý qajet», - deıdi vıtse-mınıstr S. Shaıahmetov.
