Jetim balalar úshin jańa kásibı qabyldaýshy otbasy ınstıtýty engiziledi
«2029 jylǵa deıin qolaıly oqý jaǵdaılary bar jańa 1,5 mln oqýshy ornyn engizý mindeti tur. Osy maqsatta 842 myń jańa oryn «Jaıly mektep» ulttyq jobasy arqyly beriledi. Qosymsha 660 myń oryn basqa tetikter arqyly engiziledi. Nátıjesinde 2030 jylǵa deıin biraýysymdyq oqytý formatyna kezeń-kezeńmen kóshýge múmkindik bolady. Mektepterge robototehnıka, hımııa, bıologııa, fızıka boıynsha 7 myń pán kabıneti ashylady. Jyl saıyn shaǵyn qalalarda, aýdan ortalyqtarynda jáne aýyldarda ornalasqan 1 myńǵa jýyq mektep jańǵyrtylady», - dedi Ashat Aımaǵambetov.
Onyń atap ótýinshe, Prezıdenttiń saılaýaldy baǵdarlamasyna sáıkes jańa kásibı qabyldaýshy otbasy ınstıtýty engiziledi.
«Bul jetim balalardy balalar úıinde emes, otbasynda tárbıeleýge múmkindik beredi. Ásirese kúrdeli aýrýlary bar, bir otbasynan shyqqan birneshe baýyrlary bar balalar úshin qolaıly sheshim. Qıyn jaǵdaıdaǵy balalarǵa qoldaý kórsetý ortalyqtarymen jumys júrgizilip jatyr. Barlyq kolledj, mektep pen balabaqsha qaýipsizdik sharalarymen qamtamasyz etiledi», - dedi mınıstr.