Jetim balalar úshin 180 metrlik halal káýap daıyndaldy

ASTANA. 7 qazan. QazAqparat -Tatarstannyń astanasy Qazan qalasynda álemdegi eń uzyn káýap ázirlendi. Halal etten daıyndalǵan taǵamnyń bul túri ata-ana qamqorlyǵynsyz qalǵan balalarǵa tegin taratylady. Bul týraly Muslim kz. habarlady

Jetimderdi jebeýge arnalǵan bul shara Euro-Asia Expo-2013 kórmesi aıasynda qolǵa alynyp otyr. Uzyndyǵy 180 metrge jetetin erekshe káýap Reseıdiń jáne Gınnestiń rekordtar kitabyna enýi múmkin. Alyp káýapty pisirýge 200-ge tarta adam atsalysqan kórinedi. 200 keli etti otqa qaqtaý úshin jarty tonna kómir jaǵylǵan. Dámi til úıirgen tátti káýapty uıymdastyrýshylar Nurlat aýdanyndaǵy jetimder úıine jóneltken.

Qaıyrly qadamǵa uıytqy bolǵandardyń aıtýynsha, káýap sharıǵat talaptaryna saı halal etten ázirlengen. Atalmysh aktsııa nanym-senimi ózge adamdarǵa halal ónimderdi nasıhattaýǵa úles qosady.