Jetim balalar men kópbalaly otbasylardyń balalaryna arnalǵan Elorda ákiminiń shyrshasy ótti
ANA. 25 jeltoqsan. QazAqparat - Búgin elordadaǵy M.Ótemisov atyndaǵy Oqýshylar saraıynda Astana ákimi atynan jańajyldyq shyrsha uıymdastyrylyp, oǵan 150 jetim balalar men kópbalaly otbasylardyń balalary qatysty.
Qala basshysy Imanǵalı Tasmaǵambetovtiń jańajyldyq shyrshaǵa qatysýshylarǵa arnalǵan quttyqtaýyn qalalyq Bilim basqarmasynyń dırektory Ásıma Bımendına oqyp berdi. Ol óz sózinde ótip bara jatqan jylda uıymdastyrylǵan mańyzdy oqıǵanyń arqasynda búkil álemge tanylǵan Astana shaharynda turatyn balalardyń baqytty ekendikterin basa aıtty. Sondaı-aq Á.Bımendına balalarǵa Qazaq eli maqtan tutatyn 130-dan astam ulttyń dostyǵyn qadirleýge úndedi.
Shyrshaǵa oraı uıymdastyrylǵan qyzyqty baǵdarlamalardy tamashalaǵan balalar jańajyldyq syılyqtan da qur qalmady. Olardyń aldynda Astana balalar úıiniń shyǵarmashylyq uıymy, «ıÝnost Astany», «Zvezdnyı chas» estradalyq vokal stýdııalary. «Báıterek», «Sozvezdıe» bı ansamblderi óner kórsetti.
