Jetim balaǵa - jeti myń dollardan
ASTANA. QazAqparat - Túrkııa memleketiniń «Qyzyl jarty aı» qoǵamdyq qory Gaza aımaǵyndaǵy «Emel» balalar úıine qarjylaı kómek kórsetti, dep habarlady muslim.kz.
Aımaqtaǵy jalǵyz balalar úıinde búginde 127 jetim tárbıelenip jatyr. Olardyń barlyǵynyń da ata-anasy ızraıldik basqynshylardyń shabýyly kezinde qaza tapqan.
Túrikter mundaǵy ár jetim balaǵa 7 myń dollar kóleminde qarjy taratqan. Uıymnyń endigi alǵa qoıǵan maqsaty Gaza aımaǵyndaǵy 20 myńǵa jýyq jetim balalardyń barlyǵyna da qol ushyn sozyp, kómektesý bolyp otyr.
Atalmysh aktsııa osy jolǵy aqsha taratýmen ǵana aıaqtalmaıdy, deıdi uıymdastyrýshylar. «Qyzyl jarty aı» qoǵamdyq qorynyń dırektory Gekhan Dýdýdyń aıtýynsha, qarjylaı kómek aldaǵy úsh aı ishinde úzdiksiz jalǵasyp turmaq.
«Jetimderge kómek kórsetý - bizdiń mindetimiz. Biz olardyń júzine kúlki syılap, qastarynan tabyla bilgenimizge qýanyshtymyz», - deıdi ol óz sózinde.
