Jetigenshi oqýshy halyqaralyq baıqaýda top jardy

AQTAÝ. QazAqparat - Máskeý qalasynda ótip jatqan balalar men jósóspirimder arasyndaǵy halyqaralyq baıqaýda aqtaýlyq Aslıma Shakhat jetigen aspabymen óner kórsetip, «Ulttyq aspaptar» nomınatsııasynda 1-oryn aldy, dep habarlaıdy QazAqparat tilshisi.

Aslıma Shakhat – Abyl Taraquly atyndaǵy balalar óner mektebiniń shákirti. Qazirgi kezde jetigen klasynyń 5-synybynda oqıdy.

Buǵan deıin de qalalyq, oblystyq jáne respýblıkalyq jarystarda jeńimpaz atanyp júr. Jetigennen bólek, Aslıma skrıpka jáne fortepıanoda oınaıdy.

Ol Atyraý qalasynda ótken «Jas tolqyn» aımaqtyq baıqaýynda top jaryp, Máskeýdegi halyqaralyq konkýrsqa joldama alǵan.

«Máskeýde ótken halyqaralyq baıqaýǵa biz 4 aı kóleminde daıyndaldyq. Aslıma bas júldege ıe boldy. Qazir ol Óner kolledjine túsýge daıyndalyp júr», - deıdi jetekshisi Aıtolqyn Amangeldi.