«Jetigen-Qorǵas» temirjol jelisindegi qurylys uıymdary talaptardy óreskel buzyp otyr - Bas kólik prokýratýrasy

ASTANA. 27 shilde. QazAqparat /Qanat Mámetqazyuly/ - «Jetigen-Qorǵas» temirjol jelisine tartylǵan qurylys uıymdary eńbek jaǵdaıyndaǵy, turmystyq qyzmettegi, medıtsınalyq qamtamasyz etýdegi, jumysshylardy tamaqtandyrýdaǵy sanıtarlyq-epıdemıologııalyq ereje talaptaryn órkeskel buzyp otyr. Bul Bas prokýratýranyń baspasóz qyzmetinen habarlandy.

«Atap aıtqanda, «Bazıs Qurylys Kompanııasy» JShS-nyń barlyq 960 jumysshynyń 30 paıyzy ǵana arnaıy kıimdermen qamtamasyz etilgen. Kompanııanyń jataqhana bólmelerinde adamdar tyǵyz ornalasqan. Jumysshylardyń paıdalanyp júrgen aýyz sý sapasy da jalpy mıkrobtyq kórsetkishteri boıynsha sanıtarlyq ereje talaptaryna sáıkes kelmeıdi. Jumysshylar ashanasy da sanıtarlyq-epıdemıologııalyq qorytyndysyz iske qosylǵan», - delingen baspasóz aıǵaǵynda.

Keltirilgen málimetterge qaraǵanda bul bir ǵana kompanııanyń jaǵdaıy emes, osyndaı qalyppen «Qulager» JShS, «Jol jóndeýshi» JShS, «InterstroıNS» JShS da jumys istep keledi.

Osyndaı faktilerge oraı, Jetisý kóliktik prokýratýrasy memlekettik sanıtarlyq qadaǵalaý organdarymen birlesip, zańdylyqtyń buzylýyn joıý sharalaryn júzege asyrýda.