Jetibaıda West Oil Software kompanııasy jumysshylarynyń ereýili zańsyz dep tanyldy
Aıta keteıik, Mańǵystaý oblysynyń Qaraqııa aýdanynda «Oıl Transport Korporeıshn» JShS-ne qyzmet kórsetetin West Oil Software JShS jumysshylary 23 tamyzdan beri jumysqa shyǵýdan bas tartyp otyr.
Al oblystyq eńbek ınspektsııasy basqarmasynyń basshysy Á.Іńkárovtyń málimdeýinshe, ereýilge shyqqandar negizinen QR Eńbek kodeksiniń 103-baby boıynsha jumysshylar jalaqysyn tapsyrys berýshi mekemeniń jumysshylarymen teńestirýdi nemese aılyǵyn 100% kóterýdi talap etken.
Atalǵan kompanııa jumysshylarynyń búgingi kúngi ortasha jalaqysy - 230 myń teńge.
Jumysshylar arasynda eńbek qatynastarynan týyndaǵan shıelenisti sheshý úshin jumys berýshilerdiń, oblystyq kásipodaq ortalyqtarynyń qatysýymen birqatar kelissóz júrgizildi.
Jumysshylardyń talabyna sáıkes, QR Eńbek kodeksiniń 103-baby 1-1 tarmaǵy personaldy usynýmen baılanysty emes qyzmetter kórsetetin mekemege qoldanylmaıtynyn QR Eńbek jáne halyqty áleýmettik qorǵaý mınıstrligi túsindirdi.
ıAǵnı, West Oil Software JShS mekemesi «Oıl Transport Korporeıshn» JShS qyzmet kórsetetin aýtsorsıng mekeme bolǵandyqtan QR Eńbek kodeksiniń 103-baby atalǵan mekeme jumysshylaryna qoldanylmaıdy.
«Jumys berýshiler tarapynan jumysshylar talabyn oryndaý maqsatynda olarǵa tómendegideı 4 tarmaqtan turatyn usynys berildi. Jumysshylardyń jalaqysy bıylǵy 1 qyrkúıekten bastap 30% mólsherinde kóteriledi. Ekinshiden, 2022 jyldan bastap eńbekaqy mólsherine ındeksatsııa júrgiziledi. Úshinshiden, «Munaıshylar kúnine» oraı 20 aılyq eseptik kórsetkish (AEK) mólsherinde syıaqy tólenedi jáne jumys berýshi ujymdyq shart jasasýǵa daıyn», - dedi ol.
Alaıda, West Oil Software JShS jumysshylary usynystan bas tartty.
Jumysshylardyń talabyn tolyq oryndaýǵa mekemeniń qarjylyq qýatynyń jetpeıtinin, bar múmkindikti qarastyryp, usynys jasaǵanyn aıtyp otyr.
Eńbek daýyn sheshýge qatysty kelissóz áli de jalǵasyp jatyr.
