Jetibaıda oqýshynyń ústine fýtbol qaqpasy qulaǵany úshin dırektor jaýapqa tartylady

AQTAÝ. QazAqparat - Mańǵystaý oblysy Qaraqııa aýdany Jetibaı aýylynda bolǵan oqys oqıǵadan jaraqat alǵan oqýshy úshin mektep dırektory jaýapqa tartylady, dep xabarlaıdy QazAqparat tilshisi.

Dırektorge QR Ákimshilik Kodeksiniń 409-baby ( Qazaqstan Respýblıkasynyń bilim berý, dene shynyqtyrý jáne sport salasyndaǵy zańnamasyn buzý) boıynsha xattama toltyrylǵan.

Polıtsııa departamentiniń xabarlaýynsha, oqıǵa mektep aýmaǵynda bolǵandyqtan basshylyq jaýapqa tartylady. Elý aılyq eseptik kórsetkish mólsherinde aıyppul salynýy múmkin. Materıal jergilikti ákimdik pen oblystyq bilim basqarmasyna jiberiledi.

Aıta keteıik, 12 jasar bala fýtbol oınap júrgen kezinde ústine qaqpa qulap, bas súıegi synǵan bolatyn.