«Jetibaı-Jańaózen-Kendirli-Túrkimenbashy avtojoly bıyl paıdalanýǵa beriledi
NUR-SULTAN. QazAqparat -Respýblıkalyq mańyzy bar «Jetibaı-Jańaózen-Kendirli-Túrikmenstan Respýblıkasynyń shekarasy (Túrkmenbashy)» avtojolynyń 73 shaqyrymy qaıta jańartý jumystarymen qamtylǵan, dep habarlaıdy QazAqparat «QazAvtoJol» UK» AQ baspasóz qyzmetine silteme jasap.
Jumystar aıaqtalǵannan keıin avtojol 4 jolaqty, І «B» tehnıkalyq sanatynyń talaptaryna sáıkes bolady. Qazirgi tańda jumysshylar jer qazý jumystaryn aıaqtap, jol jabynynyń tómengi jáne joǵary qabattaryn tósedi. Ýchaskede 25 temirbeton qubyrlar ornatyldy. Aǵymdaǵy jyldyń jospary boıynsha Jańaózen qalasy men Shetpe kentinde jol-paıdalaný ýchaskelerin qaıta jańartý jáne jańa ýchaskelerdiń qurylysy kózdelgen.
Avtojoldy qaıta jańartýǵa 800-ge jýyq maman men 565 tehnıka jumyldyryldy. Jol qaýipsizdiginiń talaptaryna sáıkes kúre joldyń boıynda qorshaýlar, ýchaske boıynsha jańa jol belgileri ornatylady.
Qaıta jańartý jumystary 2019 jyly tolyq aıaqtalady.
