Jeti jyldan keıin Marsta ósimdik otyrǵyzyla bastaıdy
ASTANA. QazAqparat - NASA basshylyǵy Qyzyl Planetanyń betinde jylyjaılardy quryp, onda ósimdikterdi ósirý eksperımentin josparǵa engizdi. Bul zertteý jumystaryn 2020 jyldyń orta kezinde júzege asyrý josparlanyp otyr.
Bul eksperıment ǵylymı turǵyda jáne Marsqa jasalatyn bolashaq mıssııalar úshin mańyzdy bolmaq. Ǵalymdardyń paıymynsha, ósimdikter Marsta adamdardy ottegimen jáne azyq-túlikpen qamtamasyz eter edi.
Osy oraıda aldaǵy ýaqytta Qyzyl Planetaǵa ushyrylatyn apparattar onda ósimdik otyrǵyzý jumystaryna kirispek. Atap aıtqanda, Mars topyraǵyna túrli ósimdikterdiń tuqymdaryn otyrǵyzý kózdelýde.
Atalǵan eksperıment úshin planetaǵa iriktelinip alynǵan 200 sapaly tuqym jiberiledi. Zertteý sharalary onda 10-15 kún aralyǵynda júrgiziledi, dep jazady Rosbalt.
