Jeti jyldan beri halyqaralyq izdeýde júrgen qylmysker ustaldy
ALMATY. QazAqparat - Almaty polıtsııasy jeti jyl boıy sot júıesinen jasyrynǵan adamdy ustady, dep habarlaıdy QazAqparat tilshisi.
2013 jyldyń qańtarynda kúdikti Almaty qalasynda, «Qulager» yqshamaýdanynda ornalasqan kafeniń aldynda ishimdikke mas kúıinde eki adamdy pyshaqtaǵan.
Olardyń biri esin jımastan oqıǵa ornynda kóz jumdy. Taǵy eki er adam kóp jaraqatpen qalalyq klınıkalyq aýrýhanaǵa tústi. Jetisý aýdandyq Polıtsııa basqarmasy kisi óltirý faktisi boıynsha qylmystyq is qozǵady. Qylmys jasaǵannan keıin kúdikti tergeý men sottan uzaq ýaqyt tyǵylyp júrdi. Ol memleketaralyq jáne halyqaralyq izdeýde boldy», – dedi Almaty qalalyq Polıtsııa departmenti Krımınaldyq polıtsııa basqarmasynyń bastyǵy Erkin Іńkárov.
Shyǵys Qazaqstan oblysyndaǵy áriptestermen birge jedel-izdestirý is-sharalary barysynda izdeýde júrgen qylmysker Semeı qalasynda ustaldy. Qazir ol ýaqytsha ustaý ızolıatoryna qamaldy. Ary qaraı ol Almatyǵa jetkiziledi.
