Jeti jyl boıy qaǵazda bar, ómirde joq 19 adamnyń aılyǵyn alyp otyrǵan emhananyń bas dárigeri sottaldy

ALMATY. QazAqparat - Medeý aýdanynyń №2 sotynda asa iri mólsherde aqsha jymqyrdy dep aıyptalǵan emhana qyzmetkerlerine qatysty qylmystyq is qaraldy, dep habarlaıdy QazAqparat tilshisi.

Sot protsesinde anyqtalǵandaı, 2015-2022 jyldar aralyǵynda emhananyń bas dárigeri K. memlekettik fýnktsııalardy oryndaýǵa ýákiletti tulǵa bola otyryp, bas býhgalter N. jáne kadrlar bóliminiń ınspektory S-men aldyn ala qylmystyq kelisim ornatyp, is júzinde jumys istemeıtin 19 adamdy qyzmetke alý týraly buıryq shyǵarýǵa basshylyq etken.

Resmı túrde rásimdelgen qyzmetkerlerdiń shotyna aı saıyn eńbekaqyny eseptep, aýdaryp otyrǵan, keıinnen ony óz qajetine jumsaǵan.

Sottalýshy K, S, N. zańǵa qaıshy áreketteri arqyly memleketke 79 mln teńgeden astam shyǵyn keltirdi.

«Ekeýi 7 jyl merzimge shartty túrde bas bostandyǵynan aıyryldy, S-ǵa 5 jyl materıaldy jaýapty laýazymdardy atqarý quqyǵynan aıyrý túrinde qosymsha jaza taǵaıyndaldy, al N. 5 jyl býhgalterlik qyzmetpen aınalysa almaıdy»,- dep habarlady qalalyq sottan.

Bas dáriger K. 7 jyl merzimge bas bostandyǵynan aıyryldy. Ol jazasyn qaýipsizdigi ortasha mekemede óteıdi, sondaı-aq memlekettik qyzmet atqarý quqyǵynan ómir boıyna aıyryldy.

Sot úkimi zańdy kúshine engen joq.