Jeti jasar bala Shvetsııadan Germanııaǵa deıin velosıpedpen jetken
ASTANA. QazAqparat - Jeti jasar Edvın Blomdal (Edvin Blomdahl) ata-anasymen birge velosıpedpen Shvetsııanyń Kalmar qalasynan Berlınge deıingi 370 shaqyrymdyq joldy baǵyndyrdy.
Blomdal januıasy bul joldy bir aptada júrip ótedi dep josparlaǵan, alaıda 4-aq kúnde bul maqsattaryna jetti. Sapar barysynda bala óz blogynda jazbalar qaldyrǵan, dep habarlady Ostran.
Sapardyń alǵashqy kúninde januıa 103 shaqyrym joldy júrip ótken. Qalǵan úsh kúnde de olar shamamen 100 kılometrden júrgen.
Bul saparǵa anasymen bir velosıpedke mingesken úsh jasar Emma Blomdal qatysty. Onyń ata-anasy kelesi jyly qyzdary ózi velosıpedke otyryp, saparǵa shyǵady dep úmittenýde.
Edvın Blomdal 3,5 jasynda velosıped teýip úırengen.
