Jeti jasar bala besinshi qabattyń terezesinen qulap, aman qaldy
ASTANA. QazAqparat - Túrli jaraqat alǵan jeti jasar balany Chelıabi (Reseı) qalalyq aýrýhanasyna jetkizdi. Polıtsııa anasynyń ony úıde jalǵyz qaldyrǵanyn anyqtady.
Terezeni ashqan bala besinshi qabattan qulap ketken.
Oqys oqıǵa dúısenbi kúni jergilikti ýaqytpen shamamen saǵat 12.30 oryn aldy. Balabaqshanyń 7 jastaǵy shákirtin ıÝjnyı býlvardaǵy 26-shy úıdegi páterlerdiń birinde jalǵyz qaldyrǵan.
Aldyn ala boljam boıynsha, bala tereze aldynda oınap otyryp ony ashqan. Múmkin, aıaǵy taıyp qulaýy. Ony aýrýhanaǵa jetkizdi. Dárigerler búldirshinniń basy jaraqattanyp, bilekteri synǵanyn aıtady. Aq halattylar balanyń ómiri úshin kúresip jatyr, dep habarlaıdy piter.tv.
