Jeti jáne on jasar eki bala Úlken Almaty kanalyna batyp ketti

ALMATY. QazAqparat- Úlken Almaty kanalyna jeti jáne on jasar eki bala batyp ketti, qaıǵyly oqıǵa 27 tamyzda bolǵan, dep habarlaıdy QazAqparat tilshisi.

«27 tamyz kúni túski saǵat 13:29 shamasynda Almaty oblysy tótenshe jaǵdaılar departamentiniń kezekshi bóliminiń pýltine Eńbekshiqazaq aýdany Aşybulaq aýylynyń jergilikti turǵyndary habarlasqan. Olardyń aıtýynsha, sol kúni 2012 jáne 2015 jyldary týǵan ul balalar Úlken Almaty kanalyna batyp ketken. Sýǵa abaısyzda qulap ketken balalardy aǵys alyp ketken»,- dep habarlady vedomstvodan.

Almaty oblysynyń TJD kámeletke tolmaǵan balalardy qaraýsyz qaldyrmaýdy suraıdy.