19:43, 24 Aqpan 2023 | GMT +5
Jeti respýblıkalyq avtojolda kólik qozǵalysy jandandy
ASTANA. QazAqparat - Respýblıkalyq mańyzdaǵy 7 tasjolda qozǵalysqa engizilgen shekteý alyndy, dep habarlaıdy QazAqparat «QazAvtoJol» ulttyq kompanııasyna silteme jasap.

Aqmola oblysynda «Astana-Petropavl» tasjolynyń Kókshetaý qalasynan SQO shekarasyna deıingi aralyǵynda jáne Astana-Şýche baǵytynda qozǵalysqa engizilgen shekteý alyndy.
Sonymen qatar,«Ekaterınbýrg-Almaty» tasjolynyń Atbasar-Astrahanka baǵyty ashyldy.
Kókshetaý qalasynan Zerendi aýylyna deıingi tasjol da ashyq.
SQO boıynsha «Astana-Petropavl» tasjolynyń Aqmola oblysy shekarasy-Kellerovka aýyly baǵyty ashyq tur.
Sonymen birge «Jezqazǵan-Petropavl» tasjolynda kólik qozǵalysy jandandy.
Aqtóbe oblysynda «Samara-Shymkent» tasjolynyń Aqtóbe qalasynan M-32 jáne A-26 baǵyty ashyq.