Jeti óńirde burshaq jaýady – aýa raıy boljamy
NUR-SULTAN. QazAqparat - 14 maýsym kúni Qazaqstannyń basym bóliginde qubylmaly kún raıy saqtalady, jańbyr jaýyp, naızaǵaı oınaıdy. Jaýyn-shashynsyz aýa raıy respýblıkanyń batysynda jáne ońtústik-batystanda boljanady. Jekelegen óńirlerde naızaǵaı, jeldiń kúsheıýi, daýyl, burshaq kútiledi. Ońtústik-batysta shańdy daýyl turady, dep habarlaıdy QazAqparat.
«Qazgıdromet» RMK málimetinshe, kúndiz Soltústik Qazaqstan oblysynyń keı jerlerinde daýyl kútiledi, jeldiń ekpini 15-20 m/s jetedi, burshaq jaýýy múmkin.
Pavlodar, Shyǵys Qazaqstan oblystarynyń keı jerlerinde kúndiz burshaq jaýýy yqtımal.
Aqmola oblysynda daýyl bolyp, jel 15-20 m/s kúsheıedi, burshaq boljanady.
Atyraý oblysynda jeldiń kúshi 15-20 m/s artady. Kúndiz keı jerlerinde shańdy daýyl kútiledi.
Mańǵystaý, kúndiz Qyzylorda, Túrkistan oblystarynyń keı jerlerinde jeldiń jyldamdyǵy 15-20 m/s artady. Mańǵystaý oblysynda shańdy daýyl turady.
Kúndiz Jambyl oblysynyń keı jerlerinde jel 15-22 m/s kúsheıedi, burshaq jaýýy múmkin.
Batys Qazaqstan, Aqtóbe oblystarynyń keı jerlerinde jeldiń ekpini 15-20 m/s jetedi.
Qaraǵandy oblysynyń keı jerlerinde jel 15-20 m/s artady, daýyl turyp, kúndiz burshaq jaýýy múmkin.
Qostanaı oblysynyń keı jerlerinde jel 15-20 m/s kúsheıedi, burshaq jaýady.
Sondaı-aq kúndiz Mańǵystaý oblysynyń jekelegen aýmaqtarynda qatty ystyq kútiledi.
Batys Qazaqstan, Atyraý, Aqtóbe, Qyzylorda, Túrkistan, Jambyl oblystarynyń keı jerlerinde joǵary órt qaýpi saqtalady.
