Jeti óńirde aýa raıyna baılanysty eskertý jarııalandy

ASTANA. QazAqparat - Elimizdiń birqatar óńirinde aýa raıynyń buzylýyna baılanysty eskertý jasaldy, dep habarlaıdy QazAqparat Qazgıdrometke silteme jasap.

4 jeltoqsan túnde Mańǵystaý oblysynda shyǵystan, soltústik-shyǵystan jel soǵady, túnde oblystyń soltústik-batysynda jel ekpini 15-20 m/s jetedi. Túnde oblystyń soltústik-shyǵysynda 15-20 gradýs qatty aıaz bolady.

4 jeltoqsan kúndiz Shyǵys Qazaqstan oblysynyń batysynda, soltústiginde jaıaý burqasyn soǵady. Shyǵystan, ońtústik-shyǵystan soqqan jeldiń qarqyny kúndiz oblystyń ortalyǵynda 15-20 m/s shamasynda bolady.

4 jeltoqsanda Abaı oblysynyńbatysynda, soltústiginde, ortalaǵynda jaıaý burqasyn kóteriledi. Shyǵystan, ońtústik-shyǵystan soqqan jeldiń ekpini oblystyń ońtústiginde, ortalyǵynda 15-20 m/s deıin kúsheıedi.

4 jeltoqsan túnde jáne tańerteń Batys Qazaqstan oblysynyń soltústiginde tuman túsedi.

4 jeltoqsanda Jetisý oblysynyń Jalańashkól aýdany aımaǵynda ońtústik-shyǵys jeliniń qarqyny 25 m/s jetedi.

4 jeltoqsanda Túrkistan oblysynyń ońtústiginde, taýly jáne taý bókterli aýdandarynda tuman túsedi. Soltústik-shyǵystan jel soǵady, kúndiz taý asýlarynda jeldiń kúshi -15-20 m/s.

Shymkent qalasynda túnde jáne tańerteń tuman túsedi.