Jeti oblysta aýa raıyna baılanysty eskertý jarııalandy
ASTANA. QazAqparat - Qazaqstannyń birneshe oblysynda aýa raıyna baılanysty eskertý jarııalandy, dep habarlaıdy Qazgıdromet.
Soltústik Qazaqstan oblysynda 14 shildede keı jerlerde kúndiz soltústik-shyǵystan jyldamdyǵy sekýndyna 15-20 metrge jetetin jel soǵýy múmkin, jeldiń ekpini sekýndyna 25 metr aınalasynda bolady. Keı jerlerde naızaǵaı oınap, daýyl turady, burshaq jaýýy yqtımal.
Batys Qazaqstan, Atyraý oblystarynda 16-20 shilde aralyǵynda keı aýmaqtarda kúndiz aýa temperatýrasy 40-42 gradýsqa deıin ystyq bolady dep boljanýda. Mańǵystaý oblysynyń keı jerlerinde kún 43-45 gradýsqa deıin ysıdy.
Aqtóbe oblysynda 17-20 shilde aralyǵynda keı jerlerde kúndiz 41-43 gradýs ystyq bolýy yqtımal.
Qostanaı oblysynda 18-20 shildede keı jerlerde aýa raıy temperatýrasy 41 gradýsqa kóteriledi, al Qaraǵandy oblysynyń keı aýmaqtarynda 40-43 gradýsqa deıingi ystyq kútiledi.
Qostanaı oblysynda 14 shilde aralyǵynda keı jerlerde naızaǵaı oınap, soltústik-shyǵystan jyldamdyǵy sekýndyna 15-20 metrge jetetin jel soǵady dep kútilýde. Keı óńirlerinde kúndiz burshaq jaýýy yqtımal.
