Jeti oblys aýmaǵynda aýa raıyna baılanysty eskertý jarııalandy
NUR-SULTAN. QazAqparat – Elimizdegi jeti oblys aýmaǵynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
22 aqpanda kúndiz Mańǵystaý oblysynyń keı jerlerinde kóktaıǵaq bolýy múmkin. Soltústik-batystan jel soǵady, ekpini 15-20 m/s jetedi.
22 aqpanda Batys Qazaqstan oblysynyń keı jerlerinde tuman túsedi, jaıaý burqasyn soǵady. Ońtústik-shyǵystan soǵatyn jel soltústik-shyǵysqa aýysady, kúndiz kúshi keı jerlerde 15-20 m/s jetedi.
Erteń Oralda jaıaý burqasyn soǵýy yqtımal.
22 aqpanda Túrkistan oblysynyń keı jerlerinde tuman túsýi múmkin.
22 aqpanda Atyraý oblysynyń keı jerlerinde tuman túsip, kóktaıǵaq bolýy múmkin.
22 aqpanda Aqtóbe oblysynyń keı jerlerinde tuman túsedi, jaıaý burqasyn soǵýy múmkin. Jeldiń ońtústik-batystan ońtústik-shyǵysqa aýysady, kúndiz keı jerlerde jyldamdyǵy 18 m/s jetedi.
Aqtóbe qalasynda 22 aqpanda kúndiz jaıaý burqasyn soǵýy yqtımal.
22 aqpanda kúndiz Qyzylorda oblysynda ońtústik-batystan, batystan jel soǵady, kúshi keı jerlerde 15-20 m/s jetedi.
22 aqpanda Qaraǵandy oblysynyń keı jerlerinde tuman túsip, jaıaý burqasyn soǵady. Jel batystan soǵady, kúndiz keı jerlerde kúshi 15-20 m/s jetedi.
