Jeti memleketti jaıaý basyp ótip, qajylyǵyn ótegen (FOTO)
ASTANA. QazAqparat - Bosnııalyq Senad Hadjıch esimdi musylman jigiti jeti memleketti jaıaý basyp ótip, musylmandyq paryzyn ótep qaıtqan. Bul týraly www.muslim.kz habarlady.
Bul saparǵa onyń bir jylǵa ýaqyty ketken kórinedi. «Bul kúnder meniń ómirimdegi eń shýaqty kúnder boldy», - deıdi Senad óziniń sapary jaıynda.
Ol ıyǵyna artqan 20 keli sómkesin arqalap, Bosnııa, Serbııa, Bolgarııa, Túrkııa, Iordanııa jáne Saýd Arabııasynyń aýmaǵy arqyly 5340 shaqyrymdy júrip ótken.
Tipti, soǵys órti órship turǵan Sırııa aımaǵynda da óz izin qaldyrypty. Birneshe márte tekserýlerge tap bolyp, úkimettik ásker kómegine de júgingen kórinedi.
