Jeti qaraǵandylyq Túrkııada ótetin Sýrdlımpıada-2017-ge qatysady
ASTANA. QazAqparat - Estý qabileti nashar jeti qaraǵandylyq sportshy-múgedekter 2017-shi jylǵy XXIII jazǵy Sýrdlımpıada oıyndaryna qatysýǵa joldama utyp aldy.
Halyqaralyq jarystar Samsýn (Túrkııa) qalasynda 18 maýsymnan 3 shilde aralyǵynda ótedi. Qatysýshylar -21, onyń ishinde 16 jeke jáne 5 komandalyq sport túri boıynsha saıysatyn bolady, dep habarlaıdy karaganda-region.gov.kz.
«Qazaqstan Respýblıkasynyń Sýrdlımpıadalyq komıtetimen 2017-shi jylǵy Sýrdlımpıada oıyndaryna qatysýshylar tizimi quryldy. Bizdiń elimizdi 42 sportshy jeti sport túri boıynsha tanystyratyn bolady. onyń ishinde jeti qaraǵandylyq úsh sport túri - júzý, taekvondo jáne karate boıynsha saıysady», - dedi oblystyq dene shynyqtyrý jáne sport basqarmasynyń jetekshisi Natalıa Sýhorýkova.
Aıan Ábdrásh, Elena Salmına, Valentına Antonenko, Andreı Pantelemonov, ıÝlııa Ganke, Vıktor Frýndın jáne Alena Bırıýkova Tynyq muhıty Azııalyq oıyndarynda jáne Álem chempıonatynda «A» tobynyń normatıvterin oryndady. Qazirgi tańda olar Sýrdlımpıadadaǵy saıystarǵa daıyndalyp jatyr.
Basqarmanyń málimdeýinshe, Qaraǵandy oblysynda 25 sport túrine qatysatyn 3366 múgedek bar eken. 68 qaraǵandylyq sportshy-múgedekter ulttyq quramaǵa engen. Jyl basynan beri múmkindigi shekteýli 42 sportshy respýblıkalyq deńgeıde ótken saıystarǵa qatysyp, 59 medal, onyń ishinde 37 altyn jeńip alǵan. Qaraǵandylyq Rýfat Habıbýllın BAÁ-de ótken Álem kýbogynda jeńil atletıka boıynsha saıysta «qola» utyp aldy. Aıdos Jylqyshymov Polshada ótken Halyqaralyq týrnırde oq atý boıynsha Halyqaralyq sanattaǵy sport sheberi normatıvin oryndady.
Múmkindigi shekteýli eki sportshy Andreı Afanasev pen Rýfat Habıbýllın 70 myń teńge kólemindegi oblys ákiminiń stıpendııasyn alady.
