Jeti kambodjalyq 45 pens úshin ajal qushty
ASTANA. QazAqparat - Kambodjada er adam qudyqqa 3000 kombodja rıelin (shamamen 45 brıtandyq pens nemese 125 teńge) túsirip alǵannan keıin ajal qushty, dep habarlady reseılik «Jańalyqtar» agenttigi Daily Mirror gazetine silteme jasap.
Oqıǵa soltústik-batystaǵy Sıemreal provıntsııasynda senbi kúni keshte boldy. Basylymnyń málimetteri boıynsha, jergilikti turǵyn paıdalanylmaı qurǵap qalǵan qudyqqa aqshasyn túsirip alǵan, er adam ony alý úshin qudyq ishine túskende ottegi jetpeı jan tapsyrǵan.
Jergilikti polıtsııa ókiliniń habarlaýynsha, oǵan kómekke týystary men kórshileri kelgen. «Týystary men kórshileri er adamnyń qudyqqa qulap ketkenin kórgennen keıin kómektesý úshin onyń sońynan qudyqqa túsken, biraq ta olar da esinen tanyp, qudyqtyń ishinde mert bolǵan», dedi jergilikti polıtsııa ókili Mýı Norn.
Úndistandyq NDTV telearnasynyń málimetine qaraǵanda, oqıǵa saldarynan úsh jasóspirim qazaǵa ushyraǵan. Mert bolǵandardyń apasynyń aıtýynsha, olar ákesine kómektespek bolǵan, óıtkeni qudyqqa túsip ketken aqsha kedeı adamdar úshin edáýir soma eken.
Polıtsııa málimetterinshe, barlyǵy jeti adam kóz jumǵan. Aldyn ala málimetter boıynsha olardyń ólimine ottegi jetispeýi sebep bolǵan.
