Jeti boksshymyz Taılandta «Korol Kýbogy» úshin talasady
ASTANA. QazAqparat - Qazaqstandyq jeti boksshy Taılandta «Korol Kýbogy» úshin talasady, dep habarlaıdy QazAqparat tilshisi.
Ulttyq quramanyń bas bapkeri Myrzaǵalı Aıtjanov Taılandta 3 sáýir kúni jalaýy jelbireıtin dodada jas sportshylarymyzǵa úmit artyp otyrǵanyn aıtty.
«Korol kýbogy» jarysy bir-eki jyldaı ýaqyt ótkizilmeı qalǵan edi. Bıyl qaıta uıymdastyrylǵaly otyr. Biz bul dodaǵa úshinshi nomerli boksshylarymyzdy attandyrdyq. Bul olardyń tájirıbe jınaýyna úlken múmkindik. Biraq, ishinde myqty, talantty boksshylar da bar. Al negizgi quram sáýir aıynyń aıaǵy men mamyrdyń basynda Tashkentte ótetin Azııa birinshiligine daıyndalyp jatyr», - dep atap ótti bas bapker.
Taılandta Qazaqstan namysyn qorǵaıtyn boksshylar tizimi:
49 kelige deıin - Shalkar Aıqynbaı
52 kelige deıin - Azat Mahmetov
56 kelige deıin - Nurbol Qaljanov
60 kelige deıin - Sultan Záýirbek
64 kelige deıin - Qýan Qýatov
69 kelige deıin - Sadrıddın Ahmedov
75 kelige deıin - Erik Aljanov.
