«Zheti Ata» mobıldi qosymshasy jeti atasyn biletinderge bonýs syılaıdy (FOTO)
ASTANA. QazAqparat - Qazaqstandyq jasaqtaýshylar jeti atasyn tanyǵan azamattarǵa upaı beretin «Zheti Ata» mobıldi qosymshasyn jasap shyqty.
Qazirgi ýaqytta jeti atasyn tanıtyndar ishinde arǵyndar kósh bastap keledi. Sonymen qatar kóshbasshylar qatarynda naımandar men dýlattar bar.
Sondaı-aq bul qosymsha arqyly qoldanýshylar ózderiniń ata-babalary týraly aqparattardy saqtaı alady, osy qosymshaǵa tirkelgen ózge de paıdalanýshylarmen aralasa alady.
«Qazaqtar baǵzy zamannan beri óziniń rýyna qatysty tarıhty saqtap, ony atadan balaǵa taratyp keledi. Qazirgi ýaqytta kóbimiz jeti rýymyzdy bilemiz. Keıbiri áýlet tarıhyna qatysty geneologııalyq málimetter týraly kitap jasap jatsa, keıbiri jeti ata, rý týraly aqparattardy túrli qoljazbalarda saqtaýda. Barlyq aqparattardy ortaq etip, adamdarǵa týystaryn onlaın rejımde izdeýge múmkindik beretin birde-bir qural bolmady», - deıdi jasaqtaýshylardyń biri Asan Tóleýov óziniń Facebook-tegi paraqshasynda.
«Zheti Ata» qosymshasy jeti ataǵa deıingi aqparatty saqtaýǵa, olardyń árqaısysy týraly qyzyqty málimetterdi júkteýge, týystar arasynda áńgimelesýge múmkindik berdi jáne aqparattardyń toltyrylýyna baılanysty reıtıng jasalyp otyrady.
Aıta keteıik, «Jeti ata» boıynsha, jeti býynnyń urpaqtary bir-birine jaqyn týys bolyp eseptelinedi. Dástúr boıynsha qazaqta jeti atany bilý paryz. Sonymen qatar qazaq jeti ataǵa deıin qyz alyspaǵan. Osynyń arqasynda qazaq ulty qan tazalyǵyn saqtap, genetıkalyq aýrýlardan ada bolǵan.
