Jeti aptanyń ishinde Nazarbaev Ýnıversıtetine jeti memleketten 1798 talapker tirkeldi
ASTANA. 27 jeltoqsan. QazAqparat. Nazarbaev Ýnıversıtetine 2012 jylǵa talapkerlerdi tirkeý boıynsha jeti aptanyń ishinde 1798 talapker tirkeldi. Olardyń 12 - basqa elderdiń azamaty. Ýnıversıtet saıtynda 2011 jylǵy 9 qarashada bastalǵan tirkeý 2012 jylǵy 30 qańtarǵa deıin ótkiziletin bolady.
Ótinimder Qazaqstannyń barlyq aımaqtarynan jáne basqa elderden de kelip jatyr. Tirkelgen kandıdattardyń 23% - astanalyqtar, 18,8% - almatylyqtar, 8% jýyq - Qaraǵandy oblysyn quraıdy. Sonymen qosa, 12 suranym Qyrǵyzstan, Qytaı, Mońǵolııa, Nıgerııa, Ózbekstan, Reseı Federatsııasy elderinen tústi. 2011 j. Nazarbaev Ýnıversıtetine tuńǵysh halyqaralyq stýdent qabyldanǵan bolatyn. Qyrǵyzstan azamaty qabyldaý emtıhandardan súrenbeı ótip jáne demeýshi granttyń ıegeri bolyp, Foundation baǵdarlamasynyń 501-shy stýdenti bolyp qabyldandy.
Tańdaǵan fakýltterdiń tiziminde Gýmanıtarlyq jáne áleýmettik ǵylymdar mektebi (pándik emtıhandar: matematıka jáne synı turǵydan oılaý), Injenerııa mektebi (matematıka jáne fızıka), Ǵylym jáne tehnologııalar mektebi (matematıka jáne fızıka) birinshi oryn alyp otyr. 1798 talapkerdiń ishinde - 959 qyz jáne 839 jigit.
Nazarbaev Ýnıversıteti esterińizge salady: Ýnıversıtet 2012 jyly Foundation baǵdarlamasy boıynsha oqytý júrgizbeı-aq, bakalavrıat baǵdarlamasyna tikeleı oqýǵa qabyldaıdy. Osy talapkerlerdi qabyldaý erejeleri men onlaın-tirkeý jańa jylda Ýnıversıtet saıtynda ashylady.
2011 jyly Nazarbaev Ýnıversıtetine 4247 talapker tirkeldi, olardyń 501 Ýnıversıtet stýdentteri atanyp, aǵymdaǵy jyldyń kúzinde oqýlaryn bastady. 2012 jylda Nazarbaev Ýnıversıtetiniń Foundation baǵdarlamasynda oqýǵa Qazaqstanda taǵy 500 memlekettik grant bólinýde, dep habarlaıdy oqý ornynyń baspasóz qyzmeti.
