Jeti adam zardap shekken jol apatyna kináli júrgizýshi jaýapqa tartyldy
KÓKShETAÝ. QazAqparat – Kókshetaýda jeti adam jaraqat alǵan jol apatyna kináli Túrkistan oblysynyń júrgizýshisi jaýapkershilikke tartyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, bıylǵy aqpannyń 20-da saǵat 18:40-ta Kókshetaý qalasynan aınalma joldyń 4-shaqyrymynda «Daewoo Nexia» kóliginiń 42 jastaǵy turǵyny, Túrkistan oblysynyń turǵyny joldyń qarsy baǵytyna shyǵyp ketip, Zerendi aýdanynyń 51 jastaǵy turǵyny tizgindegen «Nissan Primera» kóligimen soqtyǵysqan.
«Jol apatynan jaraqat alǵan 7 adam (eki júrgizýshi men bes jolaýshy) aýrýhanaǵa jatqyzyldy. Osyǵan baılanysty tártip saqshylary «Daewoo Nexia» kóliginiń júrgizýshisi, Túrkistan oblysy turǵynynyń ústinen QR ÁQbK 610-baby boıynsha ákimshilik hattama toltyrdy. Oǵan 20 AEK mólsherinde aıyppul salynýy nemese 6 aıǵa kólik júrgizý quqyǵynan aıyrylýy múmkin», - deıdi vedomvstodan.
