Jeti adam Pavlodar oblysynyń qurmetti azamaty atandy
Táýelsizdik kúniniń qarsańynda memlekettik qyzmet, densaýlyq saqtaý, qoǵamdyq qyzmet jáne aýyl sharýashylyǵy júıesiniń ardagerleri marapttaldy. Pavlodar oblystyq máslıhatynyń sheshimimen bıyl aımaqtyń qurmetti azamaty ataǵy Ertis–Baıan óńiriniń jeti turǵynyna berildi.
Olardyń qatarynda eńbek ardagerleri Kenje Keńesbaev pen Mıhaıl Parıpsa, memlekettik jáne saıası qaıratker Ashat Kúzekov, ataqty agrarııler - Nıkolaı Mıller men Zeınolla Sálmenbaev, densaýlyq saqtaý salasynyń ardageri Bolat Orazǵalıev pen memlekettik qyzmet salasynyń ardageri Kúljan Ahmetova bar.
«Sizder elimizdiń damýy men qalyptasýyna zor úles qostyńyzdar. Sizderdiń baı ómirlik tájirıbelerińiz ben kásibılikterińizdiń arqasynda biz qazaqstandyqtardyń jańa býynyn tárbıelep, agrarlyq jáne ónerkásiptik sektorlarymyzdy, sondaı-aq óńirdiń áleýmettik salasyn nyǵaıta aldyq. Sizder qazirgi kúnniń ózinde de qoǵamdyq kelisimdi saqtaý jáne azamattyq sektordy damytý úshin eńbek etip jatyrsyzdar. Adal eńbekterińiz úshin sizderge shyn júrekten alǵys aıtamyz», - dedi Pavlodar oblysynyń ákimi Ábilqaıyr Sqaqov aqsaqaldardy saltanatty rásimge qatysýshylarǵa.
Abaı atyndaǵy JShS sııaqty iri sharýa qojalyǵynyń basshysy Nıkolaı Mıller aımaqtyń qurmetti azamatynyń belgisin 52 jyl buryn alǵan ózge marapatymen salystyrdy. Ol atom súńgýir qaıyǵynda qyzmet etken kezde Sargass teńizinde jarty jyldan astam ýaqyt ótkizip, sol úshin áskerı basshylyqtyń marapatyna ıe bolǵan eken.
«Men 73 jasqa kelgenime qaramastan aýyl sharýashylyǵynyń urys dalasynan ketpeımin. Jerlesterim men oblys basshylyǵyna bergen ýádelerimdi oryndaý úshin qoldan kelgenniń bárin jasaımyn. Búgin biz tájirıbelik stansany iske qosý úshin jumys istep jatyrmyz, al bes jyldan keıin kúnine 100 tonna sút alamyz dep oılaımyn», - dedi Nıkolaı Mıller.
Óńirdiń densaýlyq saqtaý júıesiniń ardageri Bolat Orazǵalıev jerlesterine qurmet kórsetkeni úshin alǵys aıtty.
«Aqsaqaldar týraly umytpaǵandaryńyz úshin rahmet. Bul marapat biz úshin asa mańyzdy. Bizdiń balalarymyz ben nemerelerimizge ómirimiz úlgi bolady dep úmittenemin. Barlyq jerlesterimizge zor densaýlyq pen baqyt tileımin! Elimizde tek qana jaqsylyq bolsyn!», - dedi Bolat Orazǵalıev.
Aıta ketý kerek, Pavlodar oblysynyń Qurmetti azamaty ataǵy árbir kandıdatýrany arnaıy komıssııa qaraǵannan keıin ǵana beriledi. Búgingi tańda bul ataqqa óńirimizde 80 adam ıe boldy.
